كيچيك له له
چارپاناق باغلامیشدی کؤزمه یوزی قانا دونموشدو یوخ داشا اوره یی
چکه چک د یدی سون نفس له رینی داها قالمیردی بیر آتیم دیله یی
باخدی باخدی بیر آن قوراقلیغینا دوتدی بیر ده ن بیره قه هر بوغازین
بیر هو کوتمه ووروب اوره لندی قارغیش ائتدی زمانه نی فه له یی
سالدی کئچمیش زامانلارین یادینا بیر چیغیرتیلا کندی سیلکه له دی
ایتی بیر داشلا کوکسونی ده لدی قوروغو پوزدو توننادی که له یی
پارچالانمیش دوداقلارین سوموروب باشلادی سر گذشتینی دئمه گه
گؤز یاشی قالمامیشدی کی اله سین دئدی یاندی آلاو لادی اته یی:
بیر زامان یام یاشیل چیمن لییدیم چایلار اویناردی منده ایندی ایسه
قارا چوپ بیر یئره م کی یوخ حاصیلیم منه یانمیر بولوت لارین اوره یی
بیر دوزه ن گاه باغییدیم ان بوی سیز کپنک لر چکردیلر نازیمی
آریلار توپلا شارد ی چیینیمده بوداغیمدان آسا رد یلار په ته یی
منده اوتراق ائده ن قوشون گوزونو پو لویه نمزدی یئل ده بیر آندا
گئجه گوندوز تو مار لایاردی گوزون گونشین چشمه سی آیین بینه یی
گؤل له ریمده چیمه نده اورده لر چن انه ردی آچاردی حؤ له سینی
یولدان ایله ردی یورقون آتچیلاری لالانین یاشما قی گولون له چه یی
قینا ما ایندی سن منی شاعیر نه حالا گور قالار او گولشن کی
پاییزین گؤشوین ناخیر لارینین دیر ناغی آلتدا قالسا گول چیچه یی
منه بیر کولدا قویمادی قالسین چاتا بلکه یامان گو نو مده دادا
اوجا بوی انلی توکمه کوهرالاریم اولدی کئفلی اوتاقلارین دیره یی
زیروه لر ده گونون سوره ن مارالیم بیلمدیم هئچ نه گلدی گئتدی هارا
قارقالاردان سوراغلادیم دئدیلر: ده ره ده اولدو قورد قوشون خوره یی
بیچیلیب سرو بویلو به ی له ریم آه نه گلین بارماغیم قالیب نه تاغیم
کیم گوروبدور کیمین بو کؤشنده یئره گلسین منیم کیمی کوره یی
××××××
آتدی یانچی بو حالدا جوت چوبوغون بیر چوبان آللادان گویه قالخدی
ال آیاق چالدی چکدی سون نفسین باغرینا باسدی بیر کیچیک له له یی
×××××
گلیره م منده بیر کره اوزومه باخیرام دوو ره مه گوزوم به ره لیر
آتدیم آتدیم یاخینلاشیر یوگورور اوستو مه هی اوزاقلیقین په له یی
قولاقیمدا کؤشولتوسو دنیزین دالغالاردان منه پیام یتیریر
خیالیمدا ینه وورور منه گوز لپه لنمیش بالیقلارین پیله یی
برکت گئتدی طای- طای اون گئتدی کندیمیزدن ده کندیمیزدن ده
بایی ثین آی گوروم داغیلسین ائوی قانا دونسون طاباخداکی چوره یی
آنلاماز آنلارین شیل اولسون الی گور هارا چکدی عمرومون قاطارین
سنی منده ن ائدیب منی سنده ن قلم اولسون گوروم بئله بیله یی
شهودي تبريز24/3/87
( گئت گله سن ساغ سلامت آللا ها ویردیم امانت )
یادیمدادیر
اوچ آیدان بیر گلردی
ائو – ایشیگه باش وئراردی گئدردی
او گلنده
جیبهه ایی ائویمیزی آلاردی
باریت ایی
فیشنگ ایی
جنگ ایی
*****
سحر چاغی
دان اولدوزی چیخمامیش
ینه جیبهه یولون دوتوب گئدردی
جیبهه اونون
مرامیدی هد فی – ایستگی دی شرفی
یادیمدادیر خیردا باجیم دالیجان
سوسپرکن بو قوشمانی دئیردی
( گئت گله سن ساغ سلامت آللا ها ویردیم امانت )
*****
آمما بیر یول
آیلار گئچدی گلمدی
ایللر کئچدی گلمدی
باخیشلاردا بوز باغلادی اینتظار
ائوی بوتون غم هاواسی بورودی
یازیق آنام غم غصه ده ن چورودی
*****
بیر گون منده ن خیردا باجیم سوروشدی
بس نیه به داداشدان سس سوراغ یوخ
اولما اودا بیزی یا د دان چیخاردیب
****
ائله بیلدیم
قلبیمده چال آچیلدی
بیر آه چکیب دئدیم شیرین دیل باجی
قوربان اولوم سنین شیرین دیلینه
یادیندادیر داداش گلیب گئدنده
دالیجان سو سپنده
بو قوشمانی او خوردون
( گئت گله سن ساغ سلامت آللا ها ویردیم امانت )
ایندی داداش گئدیب اونون یانینا
ایستییرسن
سو سپه سن یولینا
دور گل گئده ک
یولون سنه گوستریم
وطن یولون
قرآن یولون
دین یولون
هله باشا چاتمامیشدی سوزلریم
بیرده ن دوروب
قومقوماسین
دولدوردی
های تله سیک
هوولسک
یوللاندیق
دوردوق گئدیک
او گون بیر قبریستانا
بیر شهیدین
مزارینین اوستونه
من آغلیردیم
باجیم سووی سپیردی
آمما ایندی بیر نفسه دئیردی
آللا ها ویردیم امانت
آللا ها ویردیم امانت
آللا ها ویردیم امانت
شهودی - بستان آبا د سال 1379
آنلار _آنالار
××××
دوشنده غم لرین
گیره وه سینه
آدامسیز اوره گیم – یالقیز اوره گیم
آزقالیر نفسیم
بند آلا منیم
حسرتیم یاش اولورگوزومده ن آخیر
بو آندا ....!!!
بیر قادین یئر گویی آلت اوست ائده ر کن
ساچلارین
یولا یولا یولانیر یولا
ایلدیریم قیلینجی قارا یئل آتی
آغ بولوت یه هه ری
دویغو جیلووی
اوزنگه آیاقین آشیرماق همین
بیر کیپریک چالینجا چاتیر دادیما
یوگورورآمانسیز غم لره ساری:
(ال چکین بالامدان ال چکین آنلار
بالاما نه ویریب آلانمیرسینیز
بولاما بولاما زه هه ر دادیزیب
بالامین
اوره گین بولاندیریسینیز)
سوزلری ائله بیل اوتدان توره نیب
دوغراییر غم لری شیمشک لر کیمی
اوره گیم آچیلیر عینیم آچیلیر
دئیره م آی آنا!!!
قوربانین اولوم
گوروم کی دونیادا کیمسه نی تانری
آناسیز ائتمه سین
یالقیز ائتمه سین
شهودی – تبریز6/4/1387
منیمسه بیر آغاج اول کولگه ده ن آلتدا دالدالانیم
داغ اول منه دایاغ اول قوی د و شنده آرخالانیم
منیمسه بیر ایچیم اول سو جالان دوداقلاریما
دولوم سنین عطشینله یولوندا چیپ جالانیم
تامارزیام سنه یئل تک سیلیب سوپور سنده
یئنه صاباح گوره جه ک سن اوره گده وار قالانیم
سنین سینه ن او جاقیندا کول اولماق آرزیمدیر
تیکه - تیکه منی دو غرا اودون کیمی قالا نیم
بولوت کیمی یاییلیم یای چاغیندا یا یلاغینا
بیر ایلدیریم باخیشیلا داغیت منی تالانیم
سنین گو زون گوزه سینده ن سو ایچمگ ایسته ییره م
گوزوندان آتما منی آی منی غمه سالانیم
یالان سوزون کاری یوخدور اوره گده ن عاشیقینم
سوزون دوزون دییم اولده چیخماسین یالانیم
موحب به تین بازاریندا گوزوندان آتما منی
سینیق بیر آینادا اولسام ینه ده وار آلانیم
اوره گلر قویلانیب داغیندا سنین آرزیلار بوی آتیب طاغیندا سنین
اوزاقدان گلمیشم یول یورقونویام قوی دریم دیزیمی باغیندا سنین
باخیرام گویلره
یئیره م حسرت
اوفوقده ما یاللاق ووران قوشلارا
*****
کوکسومده بیرهوس
بوی آتمادادیر
بینیمی ده نله ییر دوشونجه له ریم
قالخیرام آیاقا ماراقلانیرام
بیر آتدیم اوزومه یاخینلاشارکن
او چماقین هاواسی بورویور منی
بو لودلار ایچینده ایمه له ییره م
*****
گوینه ییر چییینیم
گووه ریر چینیم
گووه ریر چینیمده بیر جوت گو وه ر چین
سانکی بیر فریه تک فرح له نیره م
دو لورام او چماقلا قانادلانیرام
*****
هاوادا
قیر قی لار قی وورا وورا
باشیمین او ستونده فیریلداییرلار
***
زیلله نیب اوفوقه
گیجلله نیره م
دو لانیر باشیما دو شو نجه له ریم
ییخیلیب دو شوره م دو ردو غوم یئره
یئنه ده اوزو مده ن او زاخلاشیرام
باخیرام گویلره حسرت دو لوسی
شعر : شهودی 21/2/87
شکل می گرفت
روز ا ز ل شبی که جهان شکل می گرفت طرح زمین نمای زمان شکل می گرفت
نقاش چیره دست به هررنگ می رسید نقشی ورای حدس و گمان شکل می گرفت
آن لا مکان که کون فیکون بود رمز او می کرد اشاره ای و مکان شکل می گرفت
