ا
ئله دیم بیرگونی بیر مجــلس ترحیـــــــــــــــمه گذار
وارد اولجاق قاپـــــیدان مسجده با حـــــــال نـــــــزار
عرشه خوان گورجک همان سسله دی قوی گل قاباغا
امرینه طاعت ائدیب گئــــــــــــتدیم اورا دوردی ایاغا
خوش و بش دن سورا اول مادح با فضـــــــل و برات
بوتون امواتـــــــــــــــیمه گوندردی بش التی صلوات
سوفته ده ائتدی تلاوت نئچه خط قــــــــــــــــــــــرانی
چئیـــــــــــــــــــنه ییب حلقی ازیب مدی قاتیب اخفانی
ائله بیر لحن ایله قــــــــــــــــــــــــــرانی تلاوت ایلدی
ائله بیل شمر گلیب خیــــــــــــــــــــمه نی غارت ایلدی
سونـــــرا نوبت یئتیشیبدیر اوخوسون اشـــــــعـــاری
فیض عظـــــمایه یئتیرسیــــن اوتوران حضـــــــــاری
بیر قصـــــــــــــــــیده ایله یامان پوزدی بیزیم احوالی
شعـــــری بیر هنگیله اجــــــرا ائلدی چـــــوخ عالــی
سیــــــــــندیریب وزنی بوتون ووردی یئره قافیه نی
آرخــــــــــــــــاسی اوسته یئره چیپدی قصیده دییه نی
ائله کی شاعیرین او نکـــــــــــــــوارینا قوشدی هولا
قیزیشیبدی بوغــــــــــــــازی دیل دوداقی دوشدی یولا
باشــــــــــــــــلادی مرثیه نی مشتری دیر گوز یاشینا
آغزیــــــــــــنا هر نمه نه گلدی دئــــــــدی اوز باشینا
آقا مین ال ایاقین باغــــــــلادی تســــــــــــلیم ائله دی
ایکی اللی آپاریب دشـــــــــمنه تقـــــــــــــدیم ائله دی
وقت او وقت اولــــــــــــــدی قرائت ائله سین اعلانی
بو آخــــیر بندیله تکــــــمیل ائله سین احســــــــــانی
دئــــــــــــدی کی مجلیســــــیمزده نجبــــــــالر واردی
شـــــــعــــرا لــــر فضــــــــلا لر ادبـــــــالــــر واردی
یکه باشـــــــــلار ائله ییب مجلیسه اجـــــــــلال نزول
هر رقــــــــم شخص گلیب ســــائل و مسئول و فضول
دسته گوللر یئتیشیب مســـــجده اولوبـــــــدور بستان
ائـــــوی آباد وئریلیب قیـــــــرخ ایکی یئردن اعلان
ناگهــــــان چایچی گلیب وئـــــــردی اونا بـــــیر نامه
نامه کیمـــــــــدندی؟ وکیلدندی...قوپوپ هـــــــنگامه
اوخـــــویوب نامه نی مخلوقی پریشـــــــــان ائله دی
اویانیق ســـــــوزلریله گوزلــــــــری گریان ائله دی
نامـــــــــه ده یازمیشدی اولـــــــمادیم ای وای منه
یوخســـــــا جــــان اوسته اولان وقته گوپردوم تپمه
باغلیــــــاردیم گوزنی غسل وئــــــــــــــرردیم بدنه
اوز الیمـــــله او عزیز جســـــــــــمی بوکردیم کفنه
ممــــــکن اولسا ائلـــــــــــیون رحم من مـــظلومه
چکمـــــیون فوت شناسنامه ی بو مــــــــــــرحومه
نئچه گونده ن ســــــــــورا کی غملره آماج اولارام
بو اولن قارداشیمــــــین راینه محتـــــــــاج اولارام
الغرض مجلس ترحیــــــــــــمی چوخ عالی گوردوم
ذکــــــــــــــرینه غالب اولان وزر و وبالی گوردوم
هره بیر جور گلیب ابــــــــــــــراز وجود ائیلیردی
صاحب مجلـــیسه تعظیم و ســـــــــــجود ائیلیردی
هامی یاددایدی فقــــط بیر اولی چیخمیش یاد دان
الی چاتمــــــــــــیردی بئله مجلیسه تورپاق آتدان
الی چاتمــــــــــیردی بئله مجلیسی برهم وورسین
او یالانچی آقا نین نا مــــــــه سینی یاندیرســــین
الی چاتــــــمیردی سیخا نوحه خوانین خیده گینی
دیه کی ائیــــله ادا دوز عیـــــن ایله غیـیـــــــنی
آز شــــــولا تـــــدا بو گوزلیـــــــکده کلام اللهی
گتــــــیمه درده اراجیــــــــفیله آل اللــــــــــــهی
الی چاتمـــــــــیردی چکه اهل عیالین انگینده ن
چیـخادا وار یوخونی قور قودوغون چنگینده ن
الی چاتمــــــــــیردی دییه آی ادا بازلار اوتانین
بطهـــــارت بلیاقت به نمـــــــــــــاز لار اوتانین
دیریلیگده دیلیمــــــه دیمـــــدی بیر یاغلی پیلــو
اینــدی هــــر اوونه ده دمنیر له دووی اللی کیلو
الی چاتمیردی وورا اوغلونی قارنی دلیــــــــــنه
بیر تپیک بیر شاپالاق گوپسویه دینسیز گلـــــینه
دیریلیگ واختی تحمل ائله موردوز قـــو خـــومی
نه گلیب اینــــدی ییئرسیزاولو واختی پـــو....می
دیریلیـــــکده گله نیم اولمادی بــــیر کس ائویمه
ایندی اعلان ودریلیب قیرخ ایکی یئردن اولومه!
بئـــله بیلسیدیم اولر دیم ننه مین قـــــــــــارنیندا
اینـــــدی عــــــاجزله مزیــدیم بولارین قارشیندا
شعر: شهودی
