کایناتین گوزو حسرتده دی گورسون یوزونو
آی گوزه ل لیه گویونون گورمه لی گویچه گونشی
نه قه ده ر گیزله ده جه سن بولودآلتدا ازونو
یاشاییش چوللری تاپسین ینی ده ن بلکه اوزون
بیرباخیم بو قوزئیین اوسته دولاندیر گوزونو
گل گیننان گورنئجه قوربان که سه جه لر یولونا
ساریبانلار دوه نی یالخی چوبانلار قوزونو
هارداسان هاردا آقا هاردا مکان ایله میسن
قولاق آسدیم هارا گوردوم دانیشیرلار سوزونو
بونه اوددورکی آلیشدیقجا آتیر جان یانانی
قاریاغیشدان قورویورگوزکوره سینده کوزونو
بو داغیلمیش اوره ییم سنده ن اوتور بیر تیکه دیر
قادان آللام بودور اول قیسسا سوزونده اوزونو
یا قوناق گل منی بیر یول یتیر ان ایسته ییمه
یا چاغیرکونلومی قوی بیر کره دادسین دوزونو
گوز یاشیملا سولارام آتدیم آتان یوللارینی
کیرپیگیمله سیله ره م گول اتیینده ن توزونو
قورخورام پیک اجل هاخلایا قوربتده منی
اولمایا یاردیم ائده ن کیمسه بده بتده منی
قوربته یالواریرام یوردوما قایتار جانیمی
یادا بیر یول آل الیمده ن اونی راحتده منی
بیر آنامدیرکی طاماحسیز منی آختارمادادیر
آراییر یوخسا هره بیر جوره نیتده منی
دایاقیمدیر او یامان گونلریمین یولداشی دیر
هامی مکنتده تاپیر بیر آنا محنتده منی
ایکی دونیام آنامین باغلیدی بیر هن یوخونا
ساخلایا تانری جهننمده یا جنتده منی
ایه ر اول کان کرم اولماسا منده ن راضی
کیم شفاعت ائلییراوندا قیامتده منی
دیریلیه ده حمی دورسان منه دوریوخسا گولوم
فایدا سی یوخدی بیری یوخلویا تربتده منی
یئنه ده قوربانینام فاتحه ده ن ائتمه دریغ
آختاریب تاپسان ایه ر وادی رحمتده منی
توک
داغیت
وار یوخومی
پوز
از
آ یاقلا
گئتمه گئتمه گئتسه نده آماندیر بیر آیاقلا گئتمه
سن منیم کونلومون ایللربویی دیرسیرداشی سان
بو قه ده راولماسویوق اوزگه سیاقلا گئتمه
گه ل سفرقایداسین ایسته له ووراق بیربیرینه
من توکوم سو الینه سنده یوماقلا گئتمه1
یاری یولداندا ایه ر اولسا قاییت گه ل گوزه لیم
یارالی کونلومی بیر یولدا قوجاقلا گئتمه
قول بوداق وئرمنه قوی بیرده آچیم خوللاریمی
گه ل اوزاقلیق آغاجین داللا بوداقلا گئتمه
گوز دولاندیر گه له جه گونلریمین دفترینه
هانسی بر گینده گئدیش اولسا واراقلا گئتمه
شهودی تبریز9/9/87
