ایندی باخما قورویوب قول بوداغی ته دولانیر
دولانان یوخ باشینا اولسادا میلچه دولانیر
اوره یی ایر گه نوبن باخماقی گلمیر نیه کی
دوم دورو چای لار آخان یئرده توپورجه دولانیر
نئجه باخسین آتا یوردوندا کی قیر قینتی لارا
کیرپی دوشان دولانان باخچادا قلته دولانیر
بینیمه زور گلیب اورتوگلری بیر بیر سوکوره م
خیالیمدا گوروره م بیر ده لی گویچه دولانیر
بیریاشیل کعبه گوزومده ن ساووشور گول له کیمی
کی اونون دوره سینه مین حاجی لی له دولانیر
یام یاشیل گول لی قو تا زلی شینه لی اینینده
باشینا گونده بئش اون یول ساری کوینه دولانیر
ایسته ییر کی باخا بیر گوز جوجوغو دوره به ره
گوول لرینده گوزونون بیر سوری اورده دولانیر
ماهنی لار لا هورولوبدور قولاغی اولما یقین؟؟
بیر آووج یئرده بئله مین هاوا چه چه دولانیر
ایندی حسرتده دیر آلسین بیر اییلتی سسینی
آتدیم آتدیقجا وئریر هر یئره دینشه دولانیر
دیلی آغزیندا دولانمیر قورویوبدور بو غازی
یا وورور بیر سوزه اوچ دورت کره پلته دولانیر
پیر تلاشیب باش گوزو کونلو دوتولوبدور ائله بیل
تبریزین تنگه لرینده قوجا ده ل له دولانیر
بوغولوب اولما یئنه بیر سارا بو چایدا اونون
اللری آردیجا بیر جوت جیریق الجه دولانیر
اولمه ریه بیر یول ایه ر بو فله یین کج مدارین
بیزی بیر آرزییا چاتدیر ماقا گورسه دولانیر
اوز ایچینده ن آغاجی قورد ییر آی داد آی آمان
جووقامیزدان هانی بیر ایز هامی ته ته دولانیر
قیرقی لار قویمادی روحیم قوشی بیر دینجین آلا
هی بو کولدان او کولا چولده هوولسه دولانیر
چوخ زاماندیر ایچریمده ن توکولوب آغنامیشام
منی هر کیمسه گورور اوزده دئیر به دولانیر
شهودی تبریز23/9/87
