ماه رمضان و ماه قرأن شده است
انكار زمين شبيه رضوان شده است
در محضر دوست محشري كشته ببا
ابليس هم از كرده بشيمان شده است
قوی بیر ال آتیم آلما دریم آل یاناغیندان 1
قووسون آتاما تای منی قوی تانری باغیندان
هر کیمسه منیم تک دادا بیر داملا گوزوندان
گوی لر ده یئره گلسه ال اوزمه ز ایاغیندان
اویدوردون آییق ائللری سونسوز عطیرینده ن
اولما گلیسن شا نلی ملکلر یاتاغیندان
گول قوی گوله دولسون سارالان باغچا باغاتلار
آلقیشلا فرح لنسین اوره گلر ماراغیندان
سیندیر بو دومانلیقلاری الوان نه فه سینله
آغنات حیاتین دوم دورو شعرین دوداغیندان
سن کیمسن ازه لده ن اوره گیمده یاشاییرسان
یوخسان اوزون آمما دولویام سس سوراغیندان
هی چاغلاریما گونده دولورسان بوشالیرسان
هی اومدوروسن کونلومی حسرت بولاغیندان
بیر کوز منه یئر ساخلا کی یاندیر مالییام من
یاندیر منی قورتا ر بو منیت قالاغیندان
بیلمم بونه دردیر جانیما سالدی باخیشلار
آتدیم لاریم اود دوتدی چیخینجان بو داغیندان
چوخ اووچولار آتلاندی بو داغدا اووا گئتدی
هولکوب قاییدیب قاچدیلا اوخلوولاماغیندان
یول تاپمادی قاچسین اوره گیم اولدی قالارقی
سووساردا چیخانماز بو سامانلی سوواغیندان
گوندوز بو داغیندان ایه جان قورتارا بیلسم
آخشام ده ره ره م بیر قاطار اولدوز بو داغیندان
غم وریانیمی سئل تک آخیب پارچالایاندا
تک بیر گومانیم گلدی دوتام سئوگی طاغیندان
ال به یا خا یام غملی قارانلیقلا آماندیر
بیر تئل منه نور گوندر ایشیقلی چیراغیندان
کیپر یگلر ینین کیرپیسینی کیشگه له ینده
دیسگیندی گوزوم کورپه کیمی قاش قاباغیندان
ووردوم اوزومو بیلمه مه گه یوخسا اوزاقدان
بللی دی یامان قورتولوشوم باشلاماغیندان
زولفون او زامان کی داغیداندا ده لی یئل لر
کیمدیر کی دورا قاچمایا یالنیز قاباغیندان
هر کیم او ده لی دالغا لارین قارشینا چیخسا
قالماز داها بیر ایزده داغیلمیش توفاغیندان
مجنون کیمی بیرچوللره دوشموش اره ن ایستر
یوخسا چیخا بیلمز هامی لیلا سیناغیندان
گئت سئوگی چولون گز دولان آی نغمه لی عاشیق
سئوگی هاواسی قویما اوزولسون داماغیندان
