غلام ترک
لطف بی همتـا ائـد یبد یر داور دانا حسینــــه
سـینـه لرده یئر وئریبد یـر جذ به مولــا حسینـــــــــــــه
***
عالمی مدهوش ائدیبدیر چشمه فیض ولا سی
رشگ فردوس برین دیر تربت نزهت فـــــــــــــــــزاسی
گون بگون آرتیبدی آرتار رونق بزم عزاسی
وئرمیب حق بو مقامی کیمســـــــــــیه الا حســـــــــــــینه
***
یوم عاشورا او گون کی آچدی باب امتحانــــــی
بزم قربانگاه عشقه سسلدی اهــــــــــــــل ولا نـــــــــــــی
کعبه آمال قیلدی اهل عشقه کــــــــــــــــر بلا نی
هرکیم اوز وسع ایجه ائتدی خدمتین آقا حسیـــــــــــــنه
***
هرشهید آتدان دوشنده دوندریر یوز خیمه گاهه
آخرین صدق وسلامیـن گونده ریر اول پاد شاهــــــــــه
تا گوره بیرده جمالین گوز تیکیر پیوسته راهـه
قطره تک ایستیر قووشسون کعبه سی دریاحسینــــــــــه
***
بیر غلامی تورک اما چکـدی مولاده ن خجالـت
ذین ائوینده ن دوشدی ناگه وئرمدی اول شاهه زحمت
عرض ائد یر یوخد ورایلاهی منده آخر بو لیاقت
ذ ره ده وارد یر نه نسبـت مهـر بی همتـا حسینــــــــه
***
ذهنیـنی ائـتدی پریشان فکر وصــل شاه خوبـان
جان دوداقه میـل ائـد رکن یالــواراردی چیخما ای جـان
بلکه گلدی باشیم اوسته شهریـــار ملک ایمـان
اوندا لازیمـدیر کی باخسین د یده بینـا حسینــــــــــــــــه
***
ای اولان عشقیـد ن خالص عاشق سیمای رهبر
ای ائده ن قـلبینـده هر د م آرزوی وصـــل د لبــــــــــــر
قلبیده ن یول واردی قلبـه ای غلـام اولمــا مکد ر
ایندی ائیـلر بو محبت مطلبــی الـقــا حسینــــــــــــــه
***
شاه دین بیلدی مرامیــن یتـدی بالیـــن غلــــامـه
نیــمه جانیـدی گوز آ چـدی باخـدی سیمای امــامـــــه
دوتدی بیر شوری کی اکنون یازماقا عاجـزدی خامه
رشـک آ پاردی عـرش و فـرش وجنــت اعلا حسیـنه
***
ای قلم لــال اولما گل یاز عزت نفس امــــــــامی
اوپدی اوقانلی دوداقـین آ لـدی آغـوشه غلـــامــــــی
سئچمدی شــهزاده لر دن عاشــق نیکو مــرامـــی
چونکی معیـار عـملـــد ور عـزت وتقـوا حسینـــــــــه
***
قان دولان گوزلرله باخدی روضه رضوانی گوردی
شــافـع روز جزا نی ناطــق قــرآ نـــی گـــــــــــوردی
زاده زهــــــرا حسین اول شـاه انس وجانی گوردی
نقد جانین ائتـدی افشان یوسـف زهـــرا حسینــــــــــه
***
اول حسیــــــنی کی جمالـــــی منبــــــع نور خدا دور
عطری مین گولدن معطر نفخه سی راحت فـــــــــزادور
ظهر عاشورا نی یا د ائت اوردا قصد یم برملا دور
باخ نئـجه گور حرمت ائلیر لشـگر اعــدا حسینــــــــه
***
وقت او وقت اولدی حسینی قتـلگاهه سـالدی لشـگر
بیــرق د ین محمــــــد قـتــلگهـده ائـتـدی لنــــــگـر
گـلـدی بالیــن امـامه شـمر الینـده قانـلی خنجـــــــر
گوزلرین قان دوتدی باخسین شمر نابینا حسـینــــــــه
***
اولمادی لایق کی گورسون ما سوا حاضردی اوردا
موسی وعیسی ونوح و مصطفی حاضــــــردی اوردا
قلبی یانمیـش فاطمـه ایلن مرتضی حاضردی اوردا
باشداقاره آغلا ییرلار آدم و حوا حسیــــــــــــــــــنـــــه
***
باخــدی هر بیر سمته مولا جلـوه مســتور گوردی
گه شهادت گوردی گاهی عشق وشوق و شور گوردی
آچدی تا چشـــم بصیـــرت هر طرفده نور گوردی
کربلا نین دشـــتی اولـــدی وادی ســـینا حسینــــــــه
***
عاشق وارســــته حق بارگــــــــــه حـــق یتدی
قویدی آغلار غصه ســـینده زینب کـبرانی گئتــــــــــدی
تا ابد شــــــــمع عـزایه عالمی پــروانه ائتــدی
آزدی یکسر آغلاســا گر حشره تک دنیـــا حسینــــــه
شعر :شهودی
کاروان کربلا
حجین بلاده کعبه ده چون قویدی ناتمام
عزم دیار کرب و بلا ایلدی امام
******
یارب بو سس نه سسدی کی بئله رسا گلیر
هر بیر سسی ائدیبدی اوزونده فنا گلیر
اولما چالیر لا عرشیده طبل عزا بو گون
یا اهل ارضه ناله اهل سما گلیر
فلک فلکه ده لرزیه باخ ارتعاشه باخ
حدده ن آشیبدی دهرده موج بلا گلیر
ای بحر غمده موج بلایه دچار اولان
آماده اول سفینه آل عبا گلیر
ای دیل حجابی رد ائله نور هدانی گور
ظلمت سرای عالمه بدر الدجی گلیر
کم کم آلیر محرمین عطرین مشام جان
کم کم اوره گلر تازا شور و نوا گلیر
بیر کاروان دوشوب یولا بیت الحرامیدن
آغوش آچیبدی پئشوازینا کربلا گلیر
قربانلاریندا وار او قده ر اقتدار کی
کرب و بلا طوافینه دشت منا گلیر
کیملر گلیر بو قافله جانفزائیله
سایه به سایه اونلاریلان ماسوا گلیر
خالق خطاب ائدنده الست بربکم
کیم سویلیب او امر خطیره بلی گلیر
گوز یاشلاری اوره گلره گورنه صفا وئریر
اجر جزیل آلماق اوئچون من بکی گلیر
باخ کاروان عشقده جاه و جلاله سن
بیر هاشمی دوتوبدی الینده لوا گلیر
اول شسلی قدلی قامتینی کیم گورور اونون
بئله گومان ائدیر علی المر تضاگلیر
بیر قلب کاروانه نظر ایله گورگیلن
اکبر کیمی شبیه رسول خدا گلیر
عالم فدا اولا بو گوزه ل کا رو انینه
بو کاروانلا عالمه صدق و صفا گلیر
شهودی 7/10/87
