یئنه قیش کوچدو یازین کروانی داغلاردان آشا ر
یوخودان یوردو آییلدار ده ره لرده ن ساووشار
سحر اولدوقجا اسه ر دان یئلی کیپریگ باغینا
گونشین قونچاسی آچدیقجا اوره گ لر قاماشار
گوزه لرده ن سوزولر گوز یاشی تک دوم دورو سو
چن انه ر دوشله ره امنیک قوزولار تک سوواشار
****
بیرقاطار دورنا اوچور گویده دوشورسن یادیما
هارداسان هارداکی عشقین قوشو کونلومده یاشار
سن ماحالدیر کی یادیمدان چیخاسان یاد گئده سن
ها را باخسام یوزونه گوزلریم آنجاق سا تا شار
بایرام اولدی گل او کئچمیش لری یاددان چیخارداق
قایدادیر کی بئله گونلرده کوسه نلر باریشار
بو آچیق آنلی حاییفدیر قیریشیقلا ر دوتالار
سن دوتولسان دوتولاریئر گوی اوره گلر قاریشار
سنی آللاه یارادیبدیر گوله سن گولدوره سن
قاش قاباق یوخ کی سنه گول کیمی گولمگ یاراشار
گوزگو اول قوی هامینین عینینی آچسین شافاقین
اونداديركي گوروشون خالقا گونش تك ياپيشار
بو سویوق لوق لاری گل قالدیراق ای گول آرادان
اللریم یوخسا منیم قیزماسا قلبیم قیزیشار
دئمیره م گل اوره گینده منه یئر وئر گئنه بول
بیر آووج اولسادا بسدیر ده لی کونلوم سیغیشار
شاعیرین قدرینی اوندا بیله جه کدیر ائلیمیز
ابدییت چولو نه اونداکی روحو قووشار
شعر : شهودی 11/1/88
+ نوشته شده توسط شهودی در سه شنبه یازدهم فروردین 1388 و ساعت
16:22 |
